Orð dagsins 9 ára

Í dag eiga Orð dagsins 9 ára afmæli. Það eru með öðrum orðum liðin 9 ár síðan umrædd orð birtust fyrst á heimasíðu Staðardagskrár 21 á Íslandi þann 30. ágúst 1999. Síðan þá hafa þau birst þar flesta virka daga, að frátöldum hléum vegna annríkis við önnur verk, ferðalög eða sumarleyfi. Í gær birtust orðin í 1.390. sinn.

Eins og ALLIR vita  fela Orð dagsins jafnan í sér dálítinn fróðleik um umhverfismál, oftast upprunninn af vefsíðum erlendra fjölmiðla. Sem stoltur og afar hógvær  ritstjóri orðanna fullyrði ég að þau hafi fyrir löngu fest sig í sessi sem einn af öflugustu umhverfisfréttamiðlum landsins. Öll eldri orð eru enn aðgengileg, þótt eitthvað af tenglum hafi eflaust brotnað í áranna rás. Þarna er því að finna dágott safn af umhverfistengdum fróðleik!

(http://www.samband.is/dagskra21)

Athugasemdir

[Þórður Ingi Bjarnason, 30.8.2008 kl. 23:19]

Þessi orð dagsins er góð hjá þér og lít ég af og til inn á síðu staðardagskrá 21 til að sjá hvað er þar.  Nú er ég að taka við starfi sem umhverfisfulltrúi á Hólum þar sem ég mun fylgjast vel með hvað staðardagsrá hefur uppá að bjóða. 

[Stefán Gíslason, 31.8.2008 kl. 20:44]

Takk fyrir þetta Þórður Ingi. Við verðum örugglega eitthvað í sambandi á næstu mánuðum.