Kominn af stað aftur

Hljóp í morgun í fyrsta sinn eftir Rómarmaraþonið. Ætlaði alltaf að taka mér vikufrí frá hlaupum, en þær urðu óvart tvær, mikið að gera í vinnunni og svona. Svo er líka gott að breyta til. Hlaupin eiga ekki að verða að einhverri skyldu eða kvöð.

Mikið er nú annars gaman að rifja upp hvernig það er að hlaupa í góðum mótvindi og almennilegum kulda.  Reyndar er fallegt veður í Borgarfirðinum núna eins og alltaf á laugardagsmorgnum - og keðjurnar komnar í geymslu. Þetta urðu 18 km, eitthvað uppundir Ferjubakka og til baka.

Á þessari stundu ættu annars fyrstu hlaupararnir að vera að koma í mark í Marsmaraþoni Félags maraþonhlaupara. Sendi þátttakendum góðar kveðjur í huganum.