Viðskiptatækifæri fyrir Íslandspóst og Nepal?

Við fyrstu sýn virðist mér fréttin um komu Ollie Rehn gefa fyrirheit um viðskiptatækifæri fyrir íslensk fyrirtæki í fjarskiptum og skyldum greinum. Ég sé nefnilega ekki betur en Evrópusambandið sé komið mun skemmra í því en við að nota nútímatækni á borð við póstsendingar, svo ekki sé nú talað um tölvupóst. Því virðist mér einsýnt að Íslandspóstur bjóði Ollie þjónustu sína við að koma pappírum á milli landa. Jafnframt gæti Nepal í Borgarnesi, eða eitthvert annað fyrirtæki sem hefur sérhæft sig í hugbúnaðargerð og tölvusamskiptum, boðið honum snjallar lausnir sem gera það mögulegt að senda gögn með tölvupósti heimshorna á milli.

Eða tók Ollie kannski of djúpt í árinni þegar hann sagði að megintilgangurinn með heimsókn sinni hafi verið að afhenda stjórnvöldum spurningalista?

Olli Rehn afhendir spurningar

Athugasemdir

[Örn Gunnlaugsson (IP-tala skráð) 8.9.2009 kl. 18:39]

Þetta er það sem ESB snýst um, að hafa sem flest fólk í að færa pappír á milli staða. Gamla Sovét!

[Eggert Jóhannesson (IP-tala skráð) 8.9.2009 kl. 18:39]

Ég hjó einmitt eftir þessu sama.  Þarna er kannski kominn einn stór þáttur í því hvernig ESB aðild getur minnkað atvinnuleysið mikið.  Manni skilst að ESB fylgi mikil skriffinnska og þá hlýtur að þurfa að fylla margar stöður stjóra sem sendast landa á milli með spurningar og svör, nú eða skýrslur.

[Tryggvi Helgason (IP-tala skráð) 8.9.2009 kl. 19:15]

Ísland mun ALDREI ganga í þetta ESB. Þessi Olli Rehn hefði betur sparað sér þessa snúninga og haldið sig heima hjá sér.

Ísland aldrei að eílífu í þetta "E"vrópu "S"ovjét "B"andalag

[H.H. (IP-tala skráð) 8.9.2009 kl. 19:28]

Ha,ha,ha!! Askoti var þetta gott hjá þér Tryggvi. Evrópu Sovét Bandalag! Eins og talað úr mínu hjarta. Hittir naglann á höfuðið.

[Guðmundur St Ragnarsson, 8.9.2009 kl. 21:28]

Góður punktur Stefán. Spái því að Össur láti taka mynd af sér sveittum að svara öllum þessum spurningum...