Er þetta málið?

Á síðasta ári kom ég mér upp álitlegum gjaldeyrisvarasjóði. Hann er allur á myndinni hérna fyrir ofan. Hef geymt hann í veskinu mínu frá upphafi - og viti menn: Veskið hefur aldrei verið tómt síðan! Kannski er þetta bara málið, eins og Árni Johnsen benti á í gær.

Athugasemdir

[Greta Björg Úlfsdóttir, 31.10.2008 kl. 01:07]

Ha, ha,

Ég á líka gjalderyisvarasjóð:

Dkr. 50

$ 2

Ítalskar lírur 1000

Tékkneska seðla sem ég man ekki hvað heita 700, fæst ekki skipt utan Tékklands, góð ástæða til þess að fara þangað aftur, kannski gætum við notað það triks hér?

Eitthvað af evrum og fleiru í klinki. 

Færeyskar krónur, já.

[Greta Björg Úlfsdóttir, 31.10.2008 kl. 01:12]

Ég ætti kannski að setja þetta allt í veskið mitt - það er nú reyndar sjaldan alveg galtómt, þó ekki teljist ég rík.

En það er svaka gott ráð að taka út seðla og koma þeim fyrir í hinum og þessum krukkum og skúffum heima hjá sér - það hefur stundum komið sér vel, þá er margur oft ríkari en hann heldur! 

[Lára Hanna Einarsdóttir, 31.10.2008 kl. 01:32]

Ég á 5 ensk pund í veskinu frá í vor. Þau hafa ávaxtað sig prýðilega.