Viskýflaska og sportbíll

Var það ekki Jón Daníelsson sem sagði eitthvað á þá leið, að ef maður gæfi unglingum viskýflösku og sportbíl, og léti þeim síðan málið eftir, þá væri ekki von að vel færi? Hvort er það sem miður fer í foreldralausum partýum foreldrunum eða unglingunum að kenna? Voru ekki stjórnvöld og eftirlitsstofnanir í hlutverki foreldranna, en bankar og útrásarvíkingar í hlutverki unglinganna? Veldur hver á heldur!

Ábyrgðin liggur hjá bönkunum

Athugasemdir

[Þorgeir Ragnarsson (IP-tala skráð) 19.11.2008 kl. 09:56]

Þó líkingin sé skemmtileg og veki til umhugsunar þá er að vísu einn raunverulegur galli á henni. Forkólfar bankanna og allir stjórnendur á neðri stigum voru allir fullveðja fólk, ábyrgt fólk lögum samkvæmt.

Auk þess er hægt að svara líkingunni á þann hátt að þótt fjárræðis- og lögræðisaldur sé á Íslandi 18 ár, þá er SAKHÆFISALDUR 15 ÁR - ergo unglingurinn er þrælsekur!

Þannig er það því að þó ábyrgð stjórnvalda og eftirlitsstofnana sé mikil, þá léttir það í sjálfu sér alls ekki ábyrgðinni af stjórnendum og síðast en ekki síst EIGENDUM bankanna.

[Stefán Gíslason, 19.11.2008 kl. 10:14]

Góður punktur. Auðvitað eiga allir sinn þátt!